A Bier will i ham!
Wia ich das Licht der Welt erblickt, des war a große Hetz,
da hams weil i so durstig war ois in Bewegung gsetzt,
mei Mudda hod mi druckt and Brust, a Amme woitns hoin
des olles hod bei mir nix gnutzt i hob was anders woin.
I mog koa milli hob i gschrien - duats mi glei in a Wirtshaus führn -
Denn nur a Bier, nur a Bier will i ham, sonst hau i alles zam, sonst hau i alles zam
- nur a Bier, nur a Bier will i ham, sonst hau i alles zam, sonst hau i alles zam.
I war amoi gefährlich krank, bin kumma ins Spital,
der Herr Professor hod gsogt: des is ein ernster Fall,
der muß genau behandelt wern ein richtigs Phänomen.
Doch alles war ummasunst mir huift koa Medizin.
Bringts mir an stoanan Maßkruag her, de Krankheit finden is ned schwer.
Denn nur a Bier, nur a Bier will i ham, sonst hau i alles zam, sonst hau i alles zam
- nur a Bier, nur a Bier will i ham, sonst hau i alles zam, sonst hau i alles zam.
Erst kürzli hamma dramt amoi, dass i im Himmi war,
vorm Herrgot bin i gschdandn und um mi de Engelsschar
mit Milch und Honig ham sie mich im Himmel regaliert
auch Necktar und Ambrosia ham`d Engl mir serviert
zum Herrgot hob i gsogt i dank, habt`s denn herom koan Bierausschank
Denn nur a Bier, nur a Bier will i ham, sonst hau i alles zam, sonst hau i alles zam
- nur a Bier, nur a Bier will i ham, sonst hau i alles zam, sonst hau i alles zam.
Do host a Maß - SAUF!
meih Gott !
Fredl Fesl
